Fjálslega túlkað

Simon Watkins túlkar orð mín töluvert frjálslega í þessari grein á ThisIsMoney.com.

Það sem ég sagði við hann var að hér væri enn óvíst hvernig meðferð Icesave samningurinn fengi í þinginu og hvort samstaða yrði um hann.  Ótímabært væri að ræða það hvort þjóðaratkvæði myndi fara fram, ennþá væri verið að skoða forsendur og mögulega áhættu við samninginn og meta hvaða áhrif hann hefði á framtíðina.

Skoðanir væru mjög skiptar um samninginn á Íslandi, bæði á Alþingi og meðal almennings. Enn væru Íslendingar þó almennt fremur neikvæðir gagnvart þessu Icesave máli í heild. Hópur fólks teldi t.d. að það ætti að setja samninginn í þjóðaratkvæði burtséð frá umfjöllun Alþingis.

Á engan hátt var hægt að túlka orð mín þannig að ég væri að kalla eftir þjóðaratkvæði eða að ég teldi miklar líkur vera á að það yrði niðurstaðan.  Hér virðist fréttamaðurinn vera að leita að stuði í fréttina sína.

Leiða líkur að synjun forsetans

Athugasemdir

[Ásthildur Cesil Þórðardóttir, 21.12.2010 kl. 10:13]

Reyndar sýnist mér flestir íslendingar neikvæðir út í samninginn.  Það er vegna þess að fólk treystir ekki Steingrími Glæsilegur samningur, stjórnvöld hafa sýnt að þau eru langt í frá heil í sinni vinnu fyrir íslenska þjóð, og virðast meta meira að komast inn í ESB heldur en að bjarga þjóðinni.  Þ.e. hinum almenna borgara.  Lýðskrum og leyndarhyggja einkenna störf ráðamanna, og hvernig þau hafa ráðist á þrjá þingmenn fyrir að fylgja sannfæringu sinni og kosningaloforðum segir allt sem segja þarf um foringjaræðið sem þar birtist.